Home > Privacy Policy



AZAY ONLINE PRIVACY POLICY ၏ ပုဂ္ဂိုလ်ရေးရာ အချက်အလက်များကို အသုံးပြုခြင်းဆိုင်ရာ မူဝါဒ (Privacy Policy)  

Azay Company Limited (ကုမ္ပဏီမှတ်ပုံတင် အမှတ် - 106524742) (Azayသို့မဟုတ် ကျွန်ုပ်တို့ ဟုရည်ညွှန်းပါမည်) သည် Azay ဝက်ဘ်ဆိုက် (http://www.azay.com.mm/) နှင့် ဆက်နွယ်သည့် ကုမ္ပဏီများ နှင့် ကုန်အမှတ် တံဆိပ်များ အတွက် အခြားဝက်ဘ်ဆိုက် နှင့် အက်ပလီကေးရှင်းများ (နောင်တွင် ကုမ္ပဏီ၏ ဝက်ဘ်ဆိုက်များ နှင့် အက်ပလီ ကေးရှင်း များ ဟုရည်ညွှန်းပါမည်) ကို အသုံးပြုပါသည်။ Azay သည် လူကြီးမင်းတို့၏ ပုဂ္ဂိုလ်ရေးရာ အချက်အလက်များကို လေးစား တန်ဖိုးထားပြီး အချက်အလက်များကို ကာကွယ်ရေး၊ ပုဂ္ဂိုလ်ရေးရာ အချက် အလက်များကို လျို့ဝှက်ထိန်းသိမ်းရေး နှင့် စပ်လျဉ်းသော မြန်မာနိုင်ငံ၏ ဥပဒေများ အားလုံးကို လိုက်နာ ဆောင်ရွက်ရန် ကတိကဝတ်ပြုပါသည်။ ပုဂ္ဂိုလ် ရေးရာ အချက် အလက်များကို ကာကွယ်ထိန်းသိမ်းရန် သီးခြားမူဝါဒကို ချိတ်ဆက်ကျင့်သုံး သောအခြေအနေမှလွဲ၍ Privacy Policy သည် ကုမ္ပဏီက အသုံးပြုသော ဝက်ဘ်ဆိုက်များ နှင့် အက်ပလီကေးရှင်းများ အားလုံး အတွက် အကျုံးဝင်ပါ သည်။ 

ကုမ္ပဏီ၏ ဝက်ဘ်ဆိုက်များ နှင့် အက်ပလီကေးရှင်းများကို အသုံး ပြုသူ (လူကြီးမင်း) အနေဖြင့် ဤ Privacy Policy အား နားလည်သဘောပေါက်စေရန် သေချာစွာ ဖတ်ရှုပါရန် တိုက်တွန်းပါသည်။ အဘယ့်ကြောင့် ဆိုသော် ဤ Privacy Policy သည် ကုမ္ပဏီ၏ ဝက်ဘ်ဆိုက်များ နှင့် အက်ပလီ ကေးရှင်းများ အသုံးပြုခြင်း အပေါ် လွှမ်းမိုးပြီး၊ လူကြီးမင်းတို့၏ ပုဂ္ဂိုလ် ရေးရာ အချက်အလက်များ အပါအဝင် လူကြီးမင်းတို့က ပေးအပ်ထားသော အချက်အလက်များကို ကုမ္ပဏီက မည်သို့ အသုံးပြုကြောင်း၊ သိမ်းဆည်းကြောင်း နှင့် ထိန်းသိမ်းကြောင်းကို အသေးစိတ် ဖော်ပြထားသောကြောင့် ဖြစ်သည်။ လူကြီး မင်းသည် ကျွန်ုပ်တို့၏ Privacy Policy ပါ စည်းကမ်းချက်များကို သဘောမတူလျှင် ကျွန်ုပ်တို့၏ ဝက်ဘ်ဆိုက်များ နှင့် အက်ပလီကေးရှင်းများ ကို အသုံးမပြုသင့်ပါ။ ကျွန်ုပ်တို့၏ ဝက်ဘ်ဆိုက်များ နှင့် အက်ပလီ ကေးရှင်းများကို ချိတ်ဆက် အသုံးပြုပါက ဤ Privacy Policy သို့မဟုတ် အခါအားလျော်စွာ ပြင်ဆင်ချက်တို့အား လက်ခံသည့် သဘော သက်ရောက် ပြီးဖြစ်ပါသည်။  

ကျွန်ုပ်တို့၏ ဝက်ဘ်ဆိုက်များ နှင့် အက်ပလီကေးရှင်းများတွင် ကုန်ပစ္စည်းများ ရောင်းချခြင်းကို ကြည့်ရှုရန် နှင့် ဝယ်ယူရန် ဆောင်ရွက်သော နည်းလမ်းအပေါ် မူတည်၍ ရရှိသော အချက်အလက်များ အပါအဝင် လူကြီးမင်းက အသုံးပြုသော ဆော့ဖ်ဝဲရ် အက်ပလီကေးရှင်း (web browser)IP address ၊ လူကြီးမင်း၏ ဖုန်း သို့မဟုတ် ကွန်ပျူတာ သို့မဟုတ် လက်တော့ပ်တွင် သိမ်းဆည်းထားသော cookies အချက်အလက်များ၊ ကျွန်ုပ်တို့၏ ဝက်ဘ်ဆိုက် နှင့် အက်ပလီ ကေးရှင်း များကို အသုံးပြု၍ လူကြီးမင်းက  ဖြည့်သွင်းသော သို့မဟုတ် ပေးအပ်သော အချက် အလက်များကို ကုမ္ပဏီက အလို အလျောက် သိမ်းဆည်းနိုင်ပါသည်။ အဆိုပါ အချက်အလက်များကို အများအားဖြင့် စုပေါင်း၍ သိမ်းဆည်းပြီး ခေါင်းစဉ် အလိုက် ခွဲခြားပါသည်။  အချက်အလက်များတွင် (URL ကို ဝက်ဘ် ဆိုက်မှ ရရှိခြင်း ဟုတ်/မဟုတ် ခွဲခြားရန်) လူကြီးမင်းက ချိတ်ဆက်အသုံးပြု သော URL နှင့် (URL ကို ဝက်ဘ်ဆိုက်မှ ရရှိ ခြင်း ဟုတ်/မဟုတ် ခွဲခြားရန်) လူကြီးမင်းက ရှေ့ဆက် အသုံးပြုမည့် URL ၊ လူကြီးမင်း၏ ကွန်ပျူတာ (browser) အချက်အလက်များ၊ IP address နှင့် ဝက်ဘ်ဆိုက် အသုံးပြုခဲ့ သည့် နည်းလမ်း နှင့် ဆက်စပ်၍ ရရှိလာသော အခြား အချက်အလက်များ ပါဝင်ပါသည်။

ကုမ္ပဏီ၏ဝက်ဘ်ဆိုက်နှင့်အက်ပလီကေးရှင်းများတွင် လူကြီးမင်းက ဖြည့်စွက်ထားသော ပုဂ္ဂိုလ်ရေးရာ အချက်အလက် များကိုလည်း ကုမ္ပဏီက စုဆောင်းသိမ်းဆည်းနိုင်ပါသည်။ စားသုံးသူ၊ ဝယ်ယူသူများက အဆင်ပြေချောမွေ့သော၊ အလေ အလွင့်နည်းပါး၍ ဘေးအန္တရာယ် ကင်းရှင်းသော အတွေ့အကြုံကို ရရှိခံစားနိုင်စေရန်၊ ဝယ်ယူသူ တစ်ဦးချင်း၏ လိုအပ်ချက် အတိုင်း ဖြည့်ဆည်းနိုင်ရန် နှင့် ကုမ္ပဏီက ကုန်ပစ္စည်းများ ရောင်းချရာတွင်၊ ဝန်ဆောင်မှုများ ဆောင်ရွက်ရာတွင် နှင့် စားသုံးသူ၊ ဝယ်ယူသူများနှင့် ဆက်ဆံရာတွင် ပိုမိုကောင်းမွန်စေရန် လိုအပ်သည်ဟု ယူဆသော အချက်အလက်များကို သာ ကုမ္ပဏီက စုဆောင်း အသုံးပြုခြင်း ဖြစ်ပါသည်။ လူကြီးမင်းအတွက် ဝန်ဆောင်မှုများ ဆောင်ရွက်ပေးနိုင်ရန်၊ ကုန်ပစ္စည်း/ ဝန်ဆောင်မှု အသေးစိတ်အချက်အလက်များကို အသိပေးရန်၊ ဝယ်ယူသူများကို အရည်အသွေးပြည့်ဝစွာ ဝန်ဆောင်မှုပေး နိုင်ရန်၊ လိမ်လည်မှု နှင့် ငွေကြေး ခဝါချမှုများကို လိုအပ်သလို စစ်ဆေးနိုင်ရန်၊ ကုမ္ပဏီ၏ လုံခြုံရေး အဆင့်အတန်းများ နှင့်အညီ လိုက်နာ ဆောင်ရွက်ရန်၊ သက်ဆိုင်ရာ ဥပဒေများ၊ စည်းမျဉ်းများ နှင့် တရားရုံး အမိန့်များကို လိုက်နာ ဆောင်ရွက်ရန်၊ သုတေသနပြုလုပ်ရန် နှင့် ကုန်ပစ္စည်းများကို ပိုမို ကောင်းမွန်အောင် ဆောင်ရွက်ရန်၊ Azay နှင့် ဆက်စပ်နေသော ကုမ္ပဏီများ၊ စီးပွားဖက်များ၊ ပစ္စည်းပေးသွင်းသူများ၊ ဈေးကွက် ရှာဖွေရေး နှင့် သုတေသန အေဂျင် စီများ၊ ပြင်ပပုဂ္ဂိုလ်၊ အဖွဲ့အစည်းများ (အခြား အဖွဲ့အစည်းများ) က ရောင်းချသော ပစ္စည်းများ အကြောင်း၊ ဈေးရောင်း ပွဲများ၊ လျှော့ဈေးများ၊ အချက် အလက် များကို လူကြီးမင်းထံ အသိပေးရန် စသည့် ရည်ရွယ်ချက်များအတွက် လူကြီး မင်း၏ ပုဂ္ဂိုလ်ရေးရာ အချက် အလက် များကို အသုံးပြုရခြင်း ဖြစ်ပါသည်။ ကုမ္ပဏီသည် အထက်ပါ ရည်ရွယ်ချက်များအတွက် လူကြီးမင်း၏ အချက်အလက်များကို အခြား အဖွဲ့အစည်းများနှင့် ဝေမျှ အသုံးပြုနိုင်ပါသည်။  

လူကြီးမင်းသည် ဘဏ်ငွေစာရင်း အချက်အလက် သို့မဟုတ် အကြွေးဝယ်ကတ်အမှတ်ကဲ့သို့ ငွေပေးချေမှု နှင့် သက်ဆိုင် သော အချက်အလက်များကို ပေးအပ်ရန် လိုအပ်ပါလိမ့်မည်။ အဆိုပါ ငွေရေး ကြေးရေး ဆိုင်ရာ အချက် အလက်များ သည် ထိခိုက် လွယ်သော အချက်အလက်များ ဖြစ်သောကြောင့် ကုမ္ပဏီက လျို့ဝှက်ထိန်းသိမ်းမည် ဖြစ်ကြောင်း ကတိကဝတ် ပြုပါသည်။ သင်တန်းပေး၊ လေ့ကျင့်ထားသော ဝန်ထမ်း အနည်းစုကသာ အဆိုပါ ငွေကြေးဆိုင်ရာ အချက်အလက်များကို အသုံးပြု၍ လူကြီးမင်းအတွက် လုပ်ငန်းဆောင်ရွက်ချက်များကို ဆောင်ရွက်ပေးပါမည်။ လိမ်လည်မှု နှင့် ငွေကြေးခဝါ ချမှုများကို စစ်ဆေးရန် အထက်ပါ အချက်အလက်များကို အသုံးပြုကောင်း ပြုနိုင်ပါသည်။

ကုမ္ပဏီသည် ပုဂ္ဂိုလ်ရေးရာ အချက်အလက်များ အပါအဝင် လူကြီးမင်း၏ အချက်အလက်များကို အသုံးပြုရာတွင်၊ ဝေမျှ ရာတွင် နှင့် ထိန်းသိမ်းရာတွင်၊ ကိစ္စရပ်များ အားလုံး၌ မြန်မာနိုင်ငံ၏ ဥပဒေများနှင့်အညီ လိုက်နာ ဆောင်ရွက် ပါမည်။  

လူကြီးမင်းက အသုံးပြုသော စက်ပစ္စည်း၏ OS (Operating System) အမည်၊ မိုဘိုင်း ကွန်ရက်၊ ဟာ့ဒ်ဝဲရ် မိုဒယ်၊  unique device identifier  အစရှိသော အချက်အလက်များကို ရယူရန် လူကြီးမင်း၏ ခွင့်ပြုချက်ကို စက်ပစ္စည်းမှ တဆင့် ရယူရန် လိုအပ်ပါမည်။ အဆိုပါ အချက်အလက်များကို အသုံးပြု၍ လူကြီးမင်းက ပစ္စည်းများ မှာယူရာတွင် အကောင်းဆုံး ဝန်ဆောင်မှု ပေးနိုင်ရန် ရည်ရွယ်ပါသည်။ လူကြီးမင်း၏ တည်နေရာကို စစ်ဆေးရန် ခွင့်ပြုချက်ပေးပါက လူကြီးမင်း၏ လိပ်စာသို့ ပစ္စည်းများ ပေးပို့နိုင်ပြီး နေရာဒေသကို အထူးပြု၍ လူကြီးမင်းအတွက် သီးသန့်ဝန်ဆောင်မှု များကို ထပ်မံ ပေးအပ် နိုင်ပါလိမ့်မည်။ 

Azay သည် web page အသုံးပြုမှုကို ခွဲခြား စိစစ်ရန်၊ အရောင်းမြှင့်တင်ရေး လုပ်ငန်းများ၏ ထိရောက်မှု ကို တိုင်းတာရန် နှင့် ယုံကြည်စိတ်ချရမှု နှင့် လုံခြုံမှုတို့ကို မြှင့်တင်ရန် အချို့ ဝက်ဘ်ဆိုက် စာမျက်နှာများတွင် cookiesကဲ့သို့ အချက်အလက် ကောက်ခံသည့် အရာများကို အသုံးပြုပါသည်။ Cookiesဆိုသည်မှာ လူကြီးမင်း၏ hard drive သို့မဟုတ် ဖုန်း သို့မဟုတ် ကွန်ပျူတာ၊ လက်တော့ပ် (စက်ပစ္စည်း) တွင် ထည့်သွင်းထားသော အသေးစား ဒေတာဖိုင်များ ဖြစ်ပါသည်။ အသုံးပြုသူ မည်သူမည်ဝါဖြစ်ကြောင်း ခွဲခြားသည့် လုပ်ဆောင်ချက် (anonymous unique identifier) ပါဝင်ပြီး ကျွန်ုပ်တို့၏ ဝန်ဆောင်မှုများ ဆောင်ရွက်ရာတွင် အကူအညီပေးသော ပစ္စည်းဖြစ်ပါသည်။ အချို့ သော ဆောင်ရွက်ချက် များကို cookie မှတဆင့်သာ ရယူအသုံးပြု နိုင်ရန် စီစဉ်ထားပါသည်။ လူကြီးမင်းက ဝက်ဘ်ဆိုက် သို့မဟုတ် အက်ပလီ ကေးရှင်းကို အသုံးပြုနေသည့် အချိန်အတွင်း password ကို မကြာခဏ ထည့်သွင်းရခြင်း မရှိ စေရန် Azay က cookies ကို အသုံးပြု၍ စီစဉ်ထားပါသည်။ လူကြီးမင်းက စိတ်ဝင်စားသော အကြောင်း အရာများကို ဦးတည်ချက်ထား၍ ဆောင်ရွက်နိုင်ရန် Cookies က ကူညီပေးပြီး ယင်းမှတဆင့် အချက်အလက်များ ရရှိ နိုင်ပါသည်။ Cookies အများ စုသည် session cookiesများ ဖြစ် ပြီး အသုံးပြုသည့် အပိုင်းတစ်ပိုင်း ပြီးဆုံးလျှင် လူကြီး မင်း၏ hard drive မှ အလို အလျောက် ပယ်ဖျက်ပြီး ဖြစ်ပါသည်။ လူကြီးမင်း၏ browser က ခွင့်ပြုပါက ကျွန်ုပ်တို့ အသုံးပြုသော cookies များကို လက်မခံဘဲ ငြင်းပယ်နိုင်ပါသည်။ ထိုသို့ လက်မခံပါက  ကုမ္ပဏီ၏ ဝက်ဘ်ဆိုက်ပေါ်ရှိ အချို့သော လုပ်ဆောင်ချက်များကို ဆောင်ရွက်၍ မရနိုင်ဘဲ အသုံးပြုနေသည့် အချိန်ပိုင်းအတွင်း လူကြီးမင်း၏ password ကို မကြာခဏ ပြန်လည် ထည့်သွင်းရနိုင်ပါသည်။ ထို့အပြင် Azay မှ လွဲ၍ အခြား အဖွဲ့အစည်းများက ပြုလုပ်ထားသော ဝက်ဘ်ဆိုက် စာမျက်နှာ အချို့တွင် “cookiesသို့မဟုတ် အခြားအလားတူဖိုင် များကိုလည်း တွေ့ရှိနိုင်ပါသည်။ Azay သည် အခြား အဖွဲ့အစည်းများ၏ cookies အသုံးပြုမှုအပေါ် မထိန်းချုပ်ပါ။

လူကြီးမင်းသည် Azay သို့ အီးမေးလ် သို့မဟုတ် စာများကို ကိုယ်တိုင် ပေးပို့လျှင် သို့မဟုတ် အခြားအသုံးပြုသူများ သို့မဟုတ် ပြင်ပ ပုဂ္ဂိုလ်များက ဝက်ဘ်ဆိုက်ပေါ်ရှိ လူကြီးမင်း၏ ဆောင်ရွက်ချက်များ နှင့် စပ်လျဉ်း၍ အီးမေးလ် သို့မဟုတ် စာများ ပေးပို့လျှင် Azay သည် အဆိုပါ အချက်အလက်များကို လူကြီးမင်း၏ အမည် ဖိုင်တွဲ ဖြင့် စုဆောင်းနိုင်ပါသည်။ Azay သည် တရားရုံး သို့မဟုတ် အခြား အစိုးရ ဌာန၊ အဖွဲ့အစည်းများ က သက်ဆိုင်ရာ ဥပဒေများနှင့် တောင်းခံလာပါက၊ လူကြီးမင်း၏ ပုဂ္ဂိုလ်ရေးရာ အချက်အလက်များ အပါအဝင် အချက် အလက်များကို ထုတ်ဖော်ပြောကြားရန် လိုအပ်ပါလိမ့်မည်။

ကျွန်ုပ်တို့ ဝက်ဘ်ဆိုက်များနှင့် အက်ပလီကေးရှင်းများတွင် အခြားဝက်ဘ်ဆိုက်များ နှင့် ချိတ်ဆက်ရန် လင့်ခ်များ ပါရှိနိုင် ပါသည်။ ကျွန်ုပ်တို့ အနေဖြင့် အခြား ဝက်ဘ်ဆိုက်များ ၏ စည်းကမ်းချက်များ၊ လုံခြုံရေး နှင့် ပုဂ္ဂိုလ်ရေးရာ အချက် အလက်များ ဆိုင်ရာ ဆောင်ရွက်ချက်များအတွက် တာဝန်မခံပါ။

အင်တာနက်ကို အသုံးပြုသော ဆောင်ရွက်ချက်များသည် ပင်ကိုအားဖြင့် လုံခြုံမှု နည်းပါးပြီး အချို့ ကိစ္စများတွင် မိမိ၏ account/login နှင့် သက်ဆိုင်သော အချက်အလက်များကို အခြားသူ သို့ မပေးခြင်း ၊ password ကို ပုံမှန် ပြောင်းလဲ ခြင်း ဖြင့် လုံခြုံရေး အတွက် ကိုယ်တိုင်ဆောင်ရွက်နိုပါသည်။ သံသယ ဖြစ်ပွား လျှင် သို့မဟုတ် လူကြီးမင်း၏ account တိုက်ခိုက် ခံရပါက ကျွန်ုပ်တို့၏ customer services teamသို့ ချက်ချင်း အကြောင်းကြားပါ။

Azay သည် လုံခြုံစိတ်ချရသော ဆာဗာများကို အသုံးပြု၍ ၎င်း၏ဝက်ဘ်ဆိုက်များ နှင့် အက်ပလီ ကေးရှင်းများကို အကာ အကွယ်ပြုလုပ်ထားပါသည်။ သို့သော် လူကြီးမင်းတို့၏ ပုဂ္ဂိုလ်ရေးရာ အချက်အလက်များကို အင်တာနက်မှတဆင့် အသုံး ပြုခြင်း၊ အခြားနည်းလမ်းများဖြင့် ပေးပို့ခြင်း၊ မျှဝေခြင်းများကို အပြည့်အဝ လုံခြုံစွာ ဆောင်ရွက် မပေးနိုင်ပါ။ ကျွန်ုပ်တို့၏ ဝက်ဘ်ဆိုက်များ နှင့် အက်ပလီကေးရှင်းများကို အသုံးပြုရာ၌ လူကြီးမင်းတို့၏ အချက်အလက်များ ပေါက်ကြားခြင်း သို့မဟုတ် Azay ၏ အခြား အဖွဲ့အစည်းများက အခွင့်မရှိဘဲ အသုံးပြုခြင်း သို့မဟုတ် နောက်ဆက်တွဲ ကြုံတွေ့ရ သော ဆုံးရှုံး မှုများအတွက် Azay တွင် တာဝန် တစ်စုံတစ်ရာ မရှိကြောင်း လူကြီးမင်းတို့က သဘောတူရမည်။ လူကြီးမင်းတို့၏ ပုဂ္ဂိုလ် ရေးရာ အချက်အလက်များ အပါအဝင် အချက်အလက်များကို သိမ်းဆည်းခြင်း၊ လုံခြုံရေး၊ အသုံးပြုခြင်း နှင့် ထုတ်ဖော် ပြောကြားခြင်း တို့နှင့် စပ်လျဉ်း၍ ဥပဒေက ခွင့်ပြုသော အများဆုံး အတိုင်းအတာအထိ Azay တွင် တာဝန် တစ်စုံတစ်ရာ မရှိ ကြောင်း ကြေညာ အပ်ပါသည်။

လူကြီးမင်းသည် လူကြီးမင်း၏ ထင်မြင်ယူဆချက်များ၊ အသေးစိတ် အချက်များ နှင့် ပုဂ္ဂိုလ်ရေးရာအချက်အလက် များ ကို ကျွန်ုပ်တို့ထံ ပေးအပ်ပြီး၊ ကျွန်ုပ်တို့၏ ဝက်ဘ်ဆိုက်များ နှင့် အက်ပလီကေးရှင်းများကို သုံးစွဲပါက အချက် အလက် များကို အသုံးပြုခြင်း၊ သိမ်းဆည်းခြင်း နှင့် ဝေမျှခြင်းနှင့် သက်ဆိုင်သော အထက်ပါ စည်းကမ်းချက်များကို ခွင့်ပြု သဘော တူညီ ရမည်။ ကျွန်ုပ်တို့၏ ကုမ္ပဏီများ နှင့် အခြား အဖွဲ့အစည်းများသည် လူကြီး မင်းထံသို့ အထက်ပါ ရည်ရွယ်ချက်များအတွက် ဆက်သွယ်နိုင်ကြောင်း လူကြီးမင်းမှ သဘောတူညီပြီး ဖြစ်သကဲ့သို့ အကျိုးသက်ရောက်ပါမည်။